Бішкекте кардиохирургия институтындағы өрттен екі бала мерт болды, деп хабарлайды Alash.kz Азаттық радиосына сілтеп.
Мекеме қызметкерлері өрт шығар алдында ғимарат жертөлесінде жарылыс болғанын естіген, одан кейін 3-ші және 4-қабаттарды түтін басып, желдету жүйесі арқылы тарай бастаған деп хабарлады брифингте денсаулық сақтау министрлігінің өкілі.
Ота жасалған бірнеше науқас жансақтау бөлімінде жатқан. Солардың екеуі – 1 жас 7 айлық бала мен 16 жастағы жасөспірім өрт шыққан сәтте аппаратқа қосулы болған.
Оларды көрші ғимаратқа – кардиология және терапия ұлттық орталығына ауыстырған, алайда дәрігерлер екеуін ажалдан аман алып қала алмады деп хабарлады министрлік.
