«Каддафиден ақша алған»: Францияның бұрынғы президенті Николя Саркози 5 жылға сотталды

Париж соты экс-президент Николя Саркозиді Муаммар Каддафиден заңсыз қаржы алғаны үшін айыпты деп тапты. Тергеу деректеріне сәйкес, ол 2000-жылдардың ортасында Ливия басшысынан миллиондаған еуро алып, оны сайлауалды науқанына жұмсаған, деп жазады Alash.KZ.

70 жастағы Саркози бес жылға бас бостандығынан айырылды. Дегенмен жаза бірден орындалмайды, ол бір айдан кейін қамауға алынбақ.

Бұған қоса, Саркози 100 мың еуро айыппұл төледі. Алдағы бес жылда мемлекеттік қызмет атқара алмайды.

Айта кетейік, ол Францияны 2007 жылдан 2012 жылға дейін басқарған.