Жақсылық Омар сотта өз кінәсін мойындады

Өскеменде Шығыс Қазақстан облысы әкімінің орынбасары Жақсылық Омарға қатысты сот процесі жалғасып жатыр. 19 наурызда Өскемен қаласының қылмыстық істер жөніндегі ауданаралық сотында өткен отырыста шенеунік өз кінәсін толық мойындады.

Оған Қылмыстық кодекстің екі бабы бойынша айып тағылған: «мемлекеттік функцияларды орындауға уәкілеттік берілген адамның аса ірі мөлшерде алаяқтық жасауы» және «лауазымды адамның ірі мөлшерде пара алуы».

Сот барысында Жақсылық Омардың қорғаушылары бас бостандығын шектеуге жатпайтын жаза тағайындауды сұрады. Адвокаттар туыстары айыппұлды төлеуге қажетті қаражатты жинап қойғанын айтып, сотқа 112 миллион теңге бар шоттың үзіндісін ұсынды.

Келесі сот отырысы 26 наурызға белгіленген.