Бельгияда жезөкшелер енді ресми еңбек келісімшарттарын жасасып, басқа мамандық өкілдерімен тең еңбек құқығына ие бола алады, деп хабарлайды Alash.kz ұлттық порталы.
Жаңа заң тән саудалаушылардың негізгі құқықтарын бекітеді. Оның ішінде клиенттерден бас тарту құқығы, жұмыс түрін таңдауға және кез келген уақытта актіні тоқтатуға мүмкіндік бар.
Бұл қадам 2022 жылы жезөкшелікті декриминализациялау туралы шешімнен кейін жасалды.
Жаңа ережелерге сәйкес, жезөкшелер медициналық сақтандыру, ақылы демалыс, жүктілік пен босану бойынша жәрдемақы, жұмыссыздықты қолдау және зейнетақы алу мүмкіндігіне ие болады.
Заңнама жұмыс уақыты, жалақы және қауіпсіздік шараларына қатысты ережелерді де белгілеп, осы сала қызметкерлерін құқықтық қорғаудағы көптен бері бар олқылықтарды жояды.
