Жәбірленушіге келтірілген залал сомасы 6,6 млрд теңгеден асады.
«Биылғы 15 желтоқсанда прокуратураға күдіктілерді сотқа беру туралы мәселені шешу үшін қылмыстық іс айыптау актісімен бірге жіберілді. Гүлмира Сатыбалды, оның бақылауындағы «Ария-Жаңа Астана» ЖШС компаниясының басшылығы және мемлекеттік органдардың лауазымды тұлғалары объектілерді салуға бөлінген бюджет қаражатын ұрлады деп күдіктеліп отыр. Тергеу сатысында мемлекетке келтірілген залал толығымен өтелді», — делінген хабарламада.
Осы факт бойынша да сотқа дейінгі тергеу аяқталып, іс күдіктілер мен олардың адвокаттарына танысуға берілді.
«Сатыбалды Г.-ға қатысты бизнесті басып алудың және заңсыз бас бостандығынан айырудың басқа эпизодтары бойынша тергеу жалғасып жатыр», — делінген хабарламада.
Еске салайық, Қайрат Сатыбалдының бұрынғы әйелі Гүлмира Сатыбалды Универсиада-2017 нысандарын жөндеуге бөлінген қаржыны жымқырды деген күдікке ілінген. 8 қыркүйекте оған рейдерлік және адам ұрлау бойынша да айып тағылғаны хабарланды.
