Еуропарламент Ресей газынан толық бас тарту жоспарын бекітті

Еуроодақ 2027 жылғы 1 қарашаға дейін кезең-кезеңімен Ресейден келетін газдан толық бас тартады, деп жазады Alash.KZ. 

Бұл шешім құбыр арқылы тасымалданатын газға да, сұйытылған газға да қатысты. Заң сәрсенбі күні Еуропарламент депутаттарының басым көпшілігімен қабылданды: 500 депутат қолдаса, 120-сы қарсылық білдірген.

Қазіргі таңда Еуроодаққа мүше 10 мемлекет әлі де Ресей газын пайдаланып отыр. Еурокомиссияның болжамынша, Мажарстан мен Словакия жаңашылдыққа қарсы шығуы мүмкін, себебі олардың басшылары бұл шешімді Еуроодақ сотында қозғауға ниетті екенін мәлімдеген.