Әскерге өз еркімен кеткен Ербаян Мұхтардың қазіргі жағдайы туралы қорғаушысы Инга Иманбай баяндады, деп хабарлайды Alash.kz ұлттық порталы.
«Астанаға арнайы келіп, Ербаянның жағдайын біліп қайттым. Ата-анасымен емін жалғастыру, қылмыстық іс барысы бойынша ақылдастық. Ербаян өмір үшін күресіп жатқанын, мықты екенін көріп қуанып қалдым. Ендігі басты мәселе тезірек қай елде, қай клиникада емдеу бойынша жақындарының шешім қабылдауы. Бәріміз де Ербаянның тезірек сауығып кеткенін тілейміз және оны осы жағдайға жеткізгендер сот алдында жауап бергенін күтеміз, сол үшін қолдан келгеннің бәрін жасаймыз», - деп жазды Инга Иманбай
