Елжан Біртанов әуе санавиациясын жеке мақсатта пайдалану ісі бойынша ақталды. Бірақ билікті асыра пайдаланғаны үшін кінәлі деп танылды.
«Біртанов Елжан мен Әбішев Олжас Қазақстан Республикасы Қылмыстық кодексінің 361-бабының 4-бөлігінің 3-тармағында көзделген қылмыстық құқық бұзушылықты жасағаны үшін кінәлі деп танылып, осы бап бойынша Біртановқа бес жыл мерзімге бас бостандығын шектеу түріндегі жаза тағайындалды»,—деді судья Ибрагим Әлкенов.
Ал, бұрынғы вице-министр Олжас Әбішевке 4 жылға бас бостандығын шектеу жазасы тағайындалды.
Сонымен қатар, судья Біртанов пен Әбішевтен 1,1 млрд теңге, сондай-ақ мемлекет кірісіне 20 млн теңгеден мемлекеттік бажды өндіріп алуды ұйғарды. Сонымен қатар, сот оларды мемлекеттік қызметте өмір бойы қызмет ету құқығынан айырды.
