Мальдив аралдарында қаза тапқан британдық оқушының ата-анасы екі жылға жуық уақыт өтсе де әділдікке қол жеткізе алмай жүр, деп хабарлайды ALASH.KZ.
Мальдив аралдарында мектеп экскурсиясы кезінде қайғылы қаза тапқан британдық 15 жастағы Дженна Чанның ата-анасы қызының өліміне қатысты әділ тергеу жүргізіліп, кінәлілердің жауапқа тартылуын талап етуде.
Қайғылы оқиға 2024 жылғы 8 қарашада болған. Тергеу материалдарына сәйкес, экскурсияны Сингапурдағы St Joseph’s Institution International Ltd компаниясы мен Ұлыбританияда тіркелген қайырымдылық ұйымы ұйымдастырған.
Отбасының сотқа жолдаған талап-арызында Дженна қайықтың есу бұрандасына (пропеллеріне) соғылып, ауыр жарақат алғаны айтылған. Соққыдан кейін ол суға құлап, жарақат алған сыныптастарының көмегімен қайыққа шығарылған.
Қыз біраз уақытқа есін жиып, сыбырлап «Маған көмектесіңіздер» дегенімен, бір сағатқа жетпейтін уақыт ішінде дәрігерлер оның қайтыс болғанын мәлімдеген.
Марқұмның ата-анасы оқиғадан екі жылға жуық уақыт өтсе де, істің толық әрі әділ қаралмағанын айтып, жауапты тұлғалардың заң алдында жауап беруін талап етіп келеді.
