Жамбыл облысында төбелестен 9 сынып оқушысы көз жұмды, деп жазады Alash.kz ұлттық порталы.
Желіде тараған ақпаратқа сәйкес, қайғылы оқиға дәретхананың ішінде болған.
«Аталған факті бойынша ҚР ҚК 106-бабының 3-бөлігімен сотқа дейінгі тергеу басталды. Жедел-іздестіру іс-шаралары барысында полиция қызметкерлері күдікті жасөспірімді анықтап, уақытша ұстау изоляторына қамады.
Қазіргі уақытта істі толық, объективті және жан-жақты тергеуге бағытталған барлық қажетті жедел-тергеу іс-шаралары жүргізіліп жатыр.
ҚР ҚПК-нің 201-бабына сәйкес, тергеудің мүддесі үшін өзге деректер жария етілмейді», – делінген Жамбыл облыстық Полиция департаментінің баспасөз қызметі таратқан хабарламада.
