Министр мұндай шешімнің отандық ғалымдар және халықаралық сарапшылармен кеңесіп, талқылаудан кейін қабылданғанын түсіндірді.
«Қыс мезгілі болғандықтан далада көшіп-қону қиынға соғады. Сондықтан 10 ақпаннан бастап ақбөкендердің санын реттеуді тоқтаттық», – деді Ерлан Нысанбаев.
Ол Қазақстанда реликттік бөкен популяциясының жаңадан көбеюі күтілетінін айтты.
«Былтырғы киік төлінің санын ескере отырып, биыл мамыр айында мұқият егжей-тегжейлі санақ жүргізіледі. Болжам бойынша, 40 пайызға өсті деп айта аламын. Жалпы, төлдеу кезінде, есепке алсақ. Былтырғы киік төлі бойынша популяция шамамен 2,5 – 2,6 миллион бас болады. Сонымен қатар, киік төлі бойынша пессимистік болжамды алсақ та – бұл 30 пайызды құраса, тағы да плюс шамамен 700 – 750 мың бас болады деп күтеміз», – деді министр.
Министр Нысанбаев 10 ақпаннан кейін киіктерді ату заңсыз екенін ескертті.
Фото: pixabay.com
