АҚШ президенті Дональд Трамп алдағы саяси күн тәртібіндегі басты оқиғалардың бірі ретінде Ресей президенті Владимир Путин мен Украина президенті Владимир Зеленскийдің кездесуін атады, деп хабарлайды Alash.kz.
Оның пікірінше, бұл басқосу – бұған дейін Аляскада өткен Путинмен келіссөздерден де маңызды.
Трамп бұл кездесудің басты мақсаты – бейбітшілікке қол жеткізу екенін атап өтті.
“Егер осы келіссөз нәтижесінде бейбіт шешім табылса, мен алты айдың ішінде әлемдегі алты соғысты тоқтатуға дайынмын”, – деді ол.
АҚШ президентінің айтуынша, саммитке Еуропа көшбасшыларын шақыру немесе шақырмау мәселесі әзірге талқылану үстінде.
“Қандай форматта өтетіні әлі нақты емес, бірақ бастысы – соғыстарды тоқтату жолында нақты қадам жасау”, – деп мәлімдеді Трамп.
Сарапшылар бұл мәлімдемені Трамптың халықаралық аренадағы беделін күшейтуге бағытталған қадамы ретінде бағалап отыр. Ал алты соғысты тоқтату уәдесі – қазіргі геосаяси ахуал жағдайында батыл, әрі даулы бастама.
