Алматыда қаскөй ер адамды жасөспірімдердің көзінше пышақтап өлтірді, деп жазады Alash.kz ұлттық порталы.
SHOCK KZ телеграм-арнасының мәлімдеуінше, қайғылы оқиға 8 шілдеден 9 шілдеге қараған түні Алматы қаласындағы Ремизовка ауданында болған.
Алдын ала мәлімет бойынша, қаза тапқан адам - күдіктілердің бірінің өгей әкесі. Күдіктілер – марқұмның асырап алған қызы мен оның жігіті.
Құқық қорғау органдары оқиғаның барлық мән-жайын анықтап жатыр.
Аталған факті бойынша Медеу аудандық полиция бөлімі қылмыстық іс қозғады.
«Күдікті ұсталып, уақытша ұстау изоляторына қамалды. Қазіргі уақытта сотқа дейінгі тергеу амалдары жүргізілуде», - делінген Алматы қалалық Полиция департаментінің баспасөз қызметі таратқан хабарламада.
Тергеу қылмыстың ер адамдар арасындағы тұрмыстық жанжал кезінде жасалғанын анықтады.
