Алматыда автобус жүргізушісі жұмыс кезінде қайтыс болды (видео)

Алматыда №92 автобус жүргізушісі жұмыс кезінде көз жұмды, деп хабарлайды Alash.kz.

Кеше, 25 қаңтар күні Алматы қаласында Абай даңғылы мен Саин көшесінің бойында қайғылы оқиға болды. Алдын ала мәліметтерге сәйкес, №92 бағыттағы автобус жүргізушісінің рейс барысында денсаулығы күрт нашарлаған. Болжам бойынша, оның жүрегі тоқтаған болуы мүмкін.

Куәгерлердің айтуынша, жолаушылардың бірі дер кезінде әрекет етіп, автобусты тоқтатуға көмектескен. Соның арқасында жол-көлік оқиғасының алдын алуға мүмкіндік туған.

Өкінішке қарай, жүргізушінің өмірін сақтап қалу мүмкін болмады. Оқиғаның нақты мән-жайы тиісті қызметтер тарапынан анықталуда. Жауапты органдардың ресми түсіндірмесін күтеміз.