Алматыда аялдамада зейнеткер әйелді жас жігіт аяусыз соққыға жықты (ВИДЕО)

Алматыда ер адам аялдамада отырған 66 жастағы әйелге шабуыл жасап, қатігездікпен соққыға жыққан. Оқиға Бостандық ауданында болды, деп жазады Alash.KZ.

Куәгерлердің айтуынша, күдікті маңайда адам азайған сәтті күтіп, әйелге өздігінен тап берген. Бейнежазбада ер адамның зейнеткерді бірнеше рет бетінен ұрып, басынан тепкені анық көрінеді. Содан кейін ол оқиға орнынан кетіп қалған.

Зардап шеккен әйел ауыр хәлде ауруханаға жеткізілді.

Полиция бұл дерек бойынша қылмыстық іс қозғап, күдіктіні ұстағанын мәлімдеді. Қазір ол уақытша ұстау изоляторына қамалып, тергеу амалдары жүргізіліп жатыр.