Тірі болсам, қазаққа қызмет етпей қоймаймын!

Әлихан Бөкейхан

Алматыда ер адам тұрғын үй күзетшісін көлікпен қағып, аяусыз өлтірген

29 наурыз 2024 277

Алматыда элиталық тұрғын үй күзетшісін ер адам көлігімен қағып, аяусыз соққыға жыққан.Бұл туралы Журналист Михаил Козачков өзінің Telegram-арнасында жариялады.

«Бұл Алматы. Мұнда өткен түнде элиталық тұрғын үй кешендерінің бірінде күзетші мен тұрғын арасында қақтығыс болды. Нақты не болғаны әзірге белгісіз, алайда үй тұрғыны күзетшімен сөйлескеннен кейін көлігімен қақпаны соғып, содан кейін көлікпен күзетшіні қағады, сосын оны аяғымен тепкілеп, өлімше етіп сабады», - деп жазады журналист.

Оның айтуынша, жәбірленуші ауруханада қайтыс болып, шабуылдаған ер адам ұсталған.

Алматы полиция департаментінің баспасөз қызметі видеоға қатысты түсініктеме беріп, кісі өлтіру фактісі бойынша қылмыстық іс қозғалғанын атап өтті.

«Алдын ала мәліметтер бойынша, күзетші мен ТК тұрғыны арасында жанжал туындап, 45 жастағы ер адам күзетшіге ауыр дене жарақатын салған. Күдікті ұсталып, уақытша ұстау изоляторына қамалды», - деп хабарлады полиция.

Бұл мақала туралы не ойлайсыз?