42 жыл бұрын жасалған қылмыстық іс қайта қаралатын болды

Жапонияда осыдан 42 жыл бұрын жасалған қылмыстық іс қайта қаралады, деп жазады Alash.KZ.

Жапонияның Жоғарғы соты 1984 жылы Сига префектурасында жасалған қылмыс бойынша өмір бойына сотталып, кейін қайтыс болған ер адамның ісін қайта қарау туралы шешімді күшінде қалдырды.

Сакахара Хироми 2011 жылы 75 жасында көз жұмған. Ол 1984 жылы Хино қаласында дүкен иесін өлтірді деп айыпталған. Үкім 2000 жылы заңды күшіне енген, алайда істе тікелей заттай дәлелдер болмаған.

2018 жылы Оцу округтік соты істі қайта қарауға рұқсат берсе, 2023 жылы Осака апелляциялық соты бұл шешімді қолдаған. Енді іс Оцу сотында қайта қаралады. Сарапшылар ақтау үкімі шығуы мүмкін екенін айтады.