Алматы облысының спортшысы Жібек Құлымбетова джиу-джитсудан 8 дүркін әлем чемпионы атанды. Бұл туралы Алматы облысы әкімдігінің баспасөз қызметі мәлімдеді, деп хабарлайды Alash.kz ұлттық порталы.
16 жастағы Жібек Құлымбетова Астанада өткен "Ju-Jitsu Youth World Championship Astana 2023" жарысында топ жарып, алтын медаль иеленді. Осылайша, спортшы джиу-джитсудан 8 дүркін әлем чемпионы атанды. 48 салмақ категориясы бойынша сынға түскен спортшы Өзбекстан, Ресей, Тайланд, БАӘ елдерінен келген қарсыластарын жеңді.
"Джиу-джитсудан әлем чемпионаты елімізде алғаш рет өткізіліп отыр.Халқымның алдында өнер көрсету оңай болмады. Қатты қобалжығаным рас. Алтын иеленіп, маған сенген жұртымның үмітін ақтағаныма қуаныштымын",- деді жеңістен кейін Жібек Құлымбетова.
Жалпы,халықаралық шараға 42 мемлекеттен 1000-нан аса спортшы қатысты.
Айта кетерлігі, Жібек Алматы облысына қарасты Іле ауданының тумасы. 9 жастан бері спортпен кәсіби түрдк айналысады. Бүгінде ҚР спорт шебері, Б. Момышұлы атындағы "Намыс" төсбелгісі мен "Дара бала" медалінің иегері. Талай халықаралық додалар жеңімпазы.
