Парижде Трамптың «бейбіт жоспары» бойынша халықаралық кездесу өтеді, деп хабарлайды Alash.kz
13 желтоқсанда Парижде АҚШ өкілдері Украина, Франция, Германия және Ұлыбританияның жоғары лауазымды шенеуніктерімен кездеседі. Кездесудің басты тақырыбы — Дональд Трамп ұсынған қақтығысты реттеуге арналған «бейбіт жоспар».
Бұл кездесу Трамптың Франция президенті Эммануэль Макрон, Германия канцлері Фридрих Мерц және Ұлыбритания премьер-министрі Кир Стармермен телефон арқылы сөйлескеннен кейін ұйымдастырылып отыр.
Жиынды төрт елдің ұлттық қауіпсіздік кеңесшілері өткізеді. Әзірге АҚШ мемлекеттік хатшысы, әрі Трамптың ұлттық қауіпсіздік мәселелері жөніндегі кеңесшісі Марко Рубионың қатысатыны анықталмаған.
Кездесу нәтижесінде тараптар қақтығысты реттеу жолдарын талқылап, келесі қадамдарды анықтайтын болады.
