ҰБТ-дан бас тарту: Асхат Аймағамбетов күтпеген мәлімдеме жасады (ВИДЕО)

Ғылым және жоғары білім министрі Саясат Нұрбек алдағы жылдары оқушылар ҰБТ тапсырмайтынын мәлімдеген болатын, деп жазады Alash.KZ.

Министрдің айтуынша, қолданыстағы тест (ҰБТ) басқа елдерде танылмайды және талапкердің сыни ойлау қабілетін өлшей алмайды. Сондықтан ҰБТ орнына халықаралық формат – SAT енгізу жоспарланып отыр.

Қолданыстағы ҰБТ әзірге сақталады. SAT жүйесіне толық көшуге кемінде 2 жыл қажет.

Мәжіліс депутаты Асхат Аймағамбетов ҰБТ-дан бас тарту мәселесін тыңғылықты қарастырып, емтихан тапсырудың орталықтырылған жүйесін заманауи үлгіге келтіру керегін айтты. Алайда, бәріне тиімді бірыңғай жүйе болмаса, емтихан тапсыру кезінде жемқорлық қаупі болатынын да атап өтті.