АҚШ қазір бай шетелдіктерге азаматтық сататын ресми бағдарламаны іске қосты — енді $1 миллион (шамамен 518 000 000 теңге) төлеп, АҚШ-та тұрақты тұруға рұқсат алуға болады, деп хабарлайды Alash.kz
АҚШ ресми сайт арқылы «Трамптың Алтын картасын» рәсімдеуді бастады. Бағдарлама шетелдік ірі капитал иелеріне АҚШ-та тұрақты тұруға мүмкіндік береді. Өтінішті қарастыру үшін бастапқы төлем $15 000 болып белгіленген және ол өтініш қабылданбаса да қайтарылмайды.
Билік карта қауіпсіздікке қатер төндірген жағдайда жойылуы мүмкін екенін ескертеді.
«Бұл виза, сондықтан қауіпсіздікке қатысты елеулі қауіптер — картаны қайтаруға негіз», — делінген сайтта.
Өтініштерді қарау процесі бірнеше апта ішінде аяқталады деп уәде беріледі.
Болашақта «Платина картасы» нұсқасын іске қосу жоспарланып отыр: $5 миллион қайырымдылық жасаған адам жылына 270 күнге дейін АҚШ-та салық төлемей тұра алады.
