«Салымшылардың ақшасына енесіне үй алған»: қаржы пирамидаларын ұйымдастырғандар сотталды

«Жұлдызай» және «Аяулым» қаржы пирамидаларының ұйымдастырушылары 5 жылдан 7 жылға дейін бас бостандығынан айырылды, деп жазады Alash.kz.

Олар өздерін әлеуметтік желілерде табысты кәсіпкерлер ретінде таныстырып, тендерлерге қатысу арқылы тез табыс табу схемасын ұсынған.

Қаржы пирамидасына 60 адам тартылып, жалпы шығын 490 млн теңгеден асты.

Күдіктілердің бірі салымшылардың ақшасына елорданың премиум санатындағы құны 69,5 млн теңге тұратын пәтер сатып алып, енесіне ресімдеген.

Алайда тергеу басталғанын білген соң, мүлікті тәркілеуден жасыру үшін үшінші адамға рәсімдеп үлгерген.

Жәбірленушілерге 72 млн теңге шығын өтелді.