Су тасқыны кесірінен бүлінген үй ауласын реттеуге мемлекеттің қауқары жетпейді. Бұл туралы Қанат Шарлапаев айтты.
Өнеркәсіп және құрылыс министрі Қанат Шарлапаев су тасқыны салдарынан бүлінген қора-қопсы мен үй ауласын қалпына келтіру бюджет қаржысы есебінен жүргізілмейтінін айтты.
Қазір тасқыннан зардап шеккендерге 100 АЕК (369 200 теңге, 1 АЕК – 3 692 теңге) өтемақы берілді. Бірақ ауланы, қораларды және тағы басқасын қайта салып бере алмаймыз. Өйткені, басты мақсатымыз – халықты баспанамен қамтамасыз ету, — деді Қанат Шарлапаев.
