НАТО-ның Бас хатшысы Йенс Столтенберг альянсқа мүше елдерге Украинаға әскери көмек үшін жыл сайын кем дегенде 40 миллиард еуро бөлуді ұсынады.
Бұл туралы Reuters агенттігі НАТО-ның Прагадағы Сыртқы істер министрлерінің бейресми кездесуінің бірінші күні НАТО-дағы дереккөзден алынған ақпаратқа сілтеме жасап хабарлады, деп жазады Alash.kz cайты.
Кездесудің басты тақырыбы — Украинаны әскери қолдау.
"Біз Украинаға қажетті қолдау деңгейін ұстап тұруымыз керек", - деді агенттік дереккөзі Ресей Федерациясының Украинаға толық басып кіруінен бастап НАТО мүшелері Украинаға жылына шамамен 40 миллиард еуро беріп отыр.
Reuters Столтенберг бұл соманы бұрын айтпағанын, бірақ НАТО-да бес жыл ішінде 100 миллиард еуро немесе Украинаны қолдау үшін жыл сайын 20 миллиард еуро тұратын арнайы қор құру туралы талқыланғанын түсіндіреді деп жазды inbusiness.kz.
Бас хатшының Киевке жыл сайын 40 миллиард еуро бөлу туралы ұсынысы бүгін, яғни 31 мамырда талқылануы тиіс. Украинаны қолдаудың ұзақ мерзімді стратегиясын нығайту жөніндегі шаралар 9-11 шілдеде Вашингтонда өтетін НАТО саммитінде пысықталады.
