Журналист Жазира Бегалы мүгедектігі бар адамдарға қарата сөз айтқан әкім орынбасары жайлы жазды, деп хабарлайды Alash.kz.
Алматы облысы әкімінің орынбасары екен. Шенеуніктің “ТАК ИХ БОГ НАКАЗАЛ “ деп мүгедек жандарға ел алдында бұлай айтуға қандай құқығы бар? Құдай жазалады ма, жазатайым жағдай болды ма, мұндай жандардың көпшілік алдында намысына тигені сорақылық! Облыс басшысының орынбасарына “ кешірім сұра “ деп бір ауыз ақыл айтуға жарамаған ақсақал кімге бата беріп жатыр? - деп жазды журналист.
Сынға ұшыраған Есболатов бір тәуліктен кейін ғана желіні шулатқан «видеоға қатысты ақпарат беруді» жөн деп шешкен.
«Келген азаматтардың арасында бірқатар мүмкіндігі шектеулі жан болды. Кейбірі тік тұрып, өз кезегін күтті. Кезегі жеткенде залдағы бірнеше адам сөзін бөліп, оған кедергі жасай бастады. Регламентті сақтауға шақырдым. Алайда орыс тілінде айтқан сөзімде қателік бар. Ойымды дұрыс жеткізбеппін. «Құдай үлкен сынақ берген» деп айтпақ болғанмын», – деп ақталды шенеунік Facebook-тегі жазбасында.
Әкімдік өкілі қателігін мойындап, халықтан кешірім сұрады.
