ҚР Ішкі істер министрі Ержан Сәденов Мәжіліс кулуарында журналистердің ҰҚК бұрынғы төрағасы Кәрім Мәсімовқа қатысты сауалына жауап берді.
Журналистер министрден Мәсімовтің жазасын өтеп жатқанын растайтын бірде-бір фото немесе видео жоқ екенін, жазасын қайда өтеп жатқаны туралы ақпараттың жоқтығын сұрады.
"Жазасын өтеп жатқан адамың барлығын көрсете алмаймыз, ол сотталды, қамауда отыр. Түзету мекемесінде жазасын өтеп жатыр", – деп қысқаша жауап берді Сәденов.
Еске салайық 2022 жылы болған Қаңтар оқиғасынан кейін Кәрім Мәсімов 2016 жылдан бері атқарып келген Ұлттық қауіпсіздік комитетінің төрағасы қызметінен босатылған болатын.
