Түркістан облысының Леңгір қаласында тұрғын үйге басып кіріп, үй иесін аяусыз соққыға жыққан екі күдікті қолға түсті. Түнгі уақытта үйге заңсыз кірген олар бір сағат бойы әйелді ұрып-соғып, ұялы телефонын тартып әкеткен болатын, деп жазады Alash.KZ.
Жедел-іздестіру шараларының нәтижесінде Төлеби ауданының екі тұрғыны анықталып, қамауға алынды. Қазіргі уақытта қылмыстық іс қозғалып, тергеу амалдары жүріп жатыр.
Іс Түркістан облыстық Полиция департаменті басшылығының тікелей бақылауында.
Ресми мәлімет бойынша, әлеуметтік желіде видеосы тараған зардап шегушінің жағдайы қазір тұрақты, денсаулығына қауіп төніп тұрған жоқ.
