Бельгиялық актриса Эмили Декенн 43 жасында қайтыс болды. Бұл туралы Alash.kz мәлімдейді.
2023 жылдың қазан айында танымал актриса бүйрек үсті безінің сирек кездесетін қатерлі ісігіне шалдыққанын мәлімдеген.
2024 жылдың көктемінде Эмили ауруының толық ремиссияға өткенін жариялады, алайда жылдың соңында дерті қайта асқынып, жағдайы нашарлаған.
Актрисамен қоштасу рәсімінің күні мен орны кейінірек хабарланады.
Эмили Декенн 1981 жылғы 29 тамызда Бельгияның Белей коммунасында дүниеге келген.
17 жасында ол “Розетта” драмасында басты рөлді сомдап, нағыз жұлдызға айналды. Бұл фильм Канн кинофестивалінің “Алтын пальма бұтағын” иеленіп, ал Эмили ең үздік әйел рөлі үшін марапатқа лайық деп танылды.
