"Жүрегі тоқтап қалған, бүйрегін алып тастады" - Павлодарда анасы көпқабатты үйдің терезесінен лақтырған сәбидің жағдайы туралы не белгілі?

Павлодарлық дәрігерлер анасы бесінші қабаттан лақтырып жіберген балалардың өмірі үшін күресті жалғастырып жатыр, деп жазады Alash.KZ.

Кішкентай жәбірленушінің жүрегі отадан кейін тоқтап қалған. Сонда да дәрігерлер оны аман алып қалды.

Павлодар облыстық балалар ауруханасының хабарлауынша, нәрестеге 30 шілде кешке ота жасалған, оның жағдайы нашарлап, ішкі қан кетуіне байланысты дәрігерлер оның қатты зақымданған сол бүйрегін алуға мәжбүр болған.

Сәбидің жағдайы өте ауыр. 2017 жылы туған баланың жағдайы тұрақты, бірақ ауыр. Ол есін жинап, өздігінен тыныс алуда.

Балаларды терезеден лақтырып жіберген 33 жастағы әйел де есін жинапты.