Тірі болсам, қазаққа қызмет етпей қоймаймын!

Әлихан Бөкейхан

Қазақстанда ең төменгі жалақы 110 мың теңгеге дейін өседі: Құрылтай заңды қабылдады

Қазақстанда ең төменгі жалақы 110 мың теңгеге дейін өседі: Құрылтай заңды қабылдады

Қазақстанда ең төменгі жалақы мөлшері 85 мың теңгеден 110 мың теңгеге дейін өседі, деп хабарлайды Alash.kz.

Бүгін Құрылтай депутаттары «2027-2029 жылдарға арналған республикалық бюджет туралы» заңды екінші оқылымда мақұлдап, үшінші оқылымда қабылдады.

Құжаттың бірінші оқылымы 2026 жылдың 14 қазанында өткен болатын.

Заңда шығындардың әлеуметтік бағыттылығын сақтауға ерекше назар аударылады: барлық бюджет қаражатының үштен бірінен астамын адами капиталды дамытуға және азаматтар алдындағы әлеуметтік міндеттемелерді орындауға бағыттау жоспарлануда. Сондай-ақ, аймақтық инфрақұрылымды жаңғыртуға және экономиканың нақты секторын қолдауға айтарлықтай ресурстар бөлінеді.

Осылайша, қабылданған заң тұрақты экономикалық өсу, халықтың әл-ауқатын орта мерзімді перспективада жақсарту және әлеуметтік тұрақтылықты сақтау үшін қаржылық негіз қалыптастырады. Сондай-ақ, ол бюджет тапшылығын одан әрі азайту және Қазақстанның қаржылық тұрақтылығын нығайту үшін жағдайлар жасайды.

Құжатпен жұмыс істеу барысында депутаттар 2027 жылы Президенттің тапсырмаларын орындауға бағытталған түзетулерді қолдады, соның ішінде:

– 114,1 млрд теңге – Мемлекет басшысының 2026 жылғы 28 қазандағы Жолдауында жарияланған бастамаларын іске асыруға, соның ішінде ең төменгі жалақыны 110 мың теңгеге дейін көтеруге, алғашқы медициналық-санитарлық көмек (МСАК) қызметкерлерінің жалақысын арттыруға және орта білім беру саласына жасанды интеллектті енгізуге; 

– 101,5 млрд теңге – Мемлекет басшысының нақты тапсырмаларын орындауға, соның ішінде Сәтпаев атындағы каналдан Астана қаласына дейін су құбырын жүргізуге және «Балқаш» АЭС жобасы бойынша геологиялық-барлау жұмыстарын жүргізуге.

Сонымен қатар, 135,5 млрд теңге қаражат республикалық бюджеттің тиімділігі мен сапалы орындалуын қамтамасыз ету үшін мемлекеттік органдар арасында өзара қайта бөлінді.

Бұл мақала туралы не ойлайсыз?
  • 0
  • 0
  • 0
  • 0
  • 0
Жарнама
Соңғы жаңалықтар