Тірі болсам, қазаққа қызмет етпей қоймаймын!

Әлихан Бөкейхан

«Сапа мен мерзімдерді сақтау қажет»: Нәлібаев Президенттің туризм саласындағы тапсырмаларын орындау жөнінде кеңес өткізді

«Сапа мен мерзімдерді сақтау қажет»: Нәлібаев Президенттің туризм саласындағы тапсырмаларын орындау жөнінде кеңес өткізді

Үкіметте Мемлекет басшысының туризм мен спортты дамыту жөніндегі тапсырмаларының орындалу барысы қаралды, деп хабарлайды Alash.kz.

Қазақстан Республикасы Премьер-министрінің бірінші орынбасары Нұрлыбек Нәлібаевтың төрағалығымен Мемлекет басшысының «Жаңа тарихи кезеңдегі Қазақстанның өзекті міндеттері» атты Жолдауында берген туризм мен спортты дамыту жөніндегі тапсырмаларының орындалу барысы қаралды.

Үкіметтің мәліметінше, кеңеске туризм және спорт министрі, ұлттық экономика, өнеркәсіп және құрылыс вице-министрлері, облыстар мен Астана, Алматы және Шымкент қалалары әкімдерінің орынбасарлары қатысты.

Мемлекет басшысы жариялаған «Халықтық құрылыс» бағдарламасы шеңберінде өңірлерде жаңа спорт нысандарын салу мәселелері талқыланды, оның ішінде Инфрақұрылымдық даму қорының қаражаты есебінен қаржыландырылатын нысандар да бар.

Нұрлыбек Нәлібаев өңірлердің нақты қажеттіліктерін ескере отырып, сапа мен мерзімдерді сақтау қажеттілігіне баса назар аударды. Сондай-ақ жобалау-сметалық құжаттаманың сапасына және мемлекеттік сараптаманың уақтылы жүргізілуіне ден қою тапсырылды.

Кеңес қорытындысы бойынша жауапты органдарға тиісті тапсырмалар берілді.

Бұл мақала туралы не ойлайсыз?
  • 0
  • 0
  • 0
  • 0
  • 0
Жарнама
Соңғы жаңалықтар