2024 жылғы 12 ақпанда сағат 10:30-да Қонаев қалалық сотында журналист және «Ne Deidi» Youtube арнасының авторы Думан Мұхамедкәрімнің ісі бойынша алдын ала тыңдау өтті.
Журналистің адвокаты Жалғас Сапарханованың айтуынша, алдағы сот жабық режимде өтуі мүмкін. Алайда, қорғаушы бұл көптеген әділетсіздікке алып келуі мүмкін екенін айтады.
Сотта айыптау тарабы істі жабық өткізуін сұрады, өтініші - куәгер жабық өтуді сұрап арыз жолдаған көрінеді. Алайда арызбен қорғау тарабы таныс емес, тіпті айыптау тарабы бізді көшірмесімен де таныстыра алмады.Сот жабық өтуі әбден мүмкін, неге прокурорлар істің ашықтығынан қорқады?!Істің жабылуы - соттың әділ өтпеуіне әкеліп соғуы мүмкін, деп жазды адвокат.
Сонымен қатар, журналист полиция бөлімінің басшылары Данияр Қозыбеков, Қанат Санаевтардың тарапынан қысым көріп, азапталғанын айтты.
Айта кетейік, журналист Думан Мұхаммедкәрім ҚК 405-баптың 2-бөлігі («Экстремистік ұйымға қатысу») және 258-бап 1-бөлім («экстремистік ұйымды қаржыландыру») бойынша айыпталып, 2023 жылдың маусым айынан бері уақытша ұстау изоляторында отыр.
«Айыптаудың» негіздері:
1. Думан Мұхамедкәрім журналист ретінде Мұхтар Әблязовтен сұхбат алды.
2. Сұхбаттың видеосы астында Думан Мұхамедкәрім Мұхтар Әблязов азаматтарды сот шығындарын жабуға көмектесуге шақырған банктік деректемелері бар пікірін жариялады.
3. Думан Мұхамедкәрім Қазақстандағы саяси оқиғалар тақырыбын көпшілік алдында талқылап, бейбіт шеруге шығуды жоспарлап отырғанын айтып, азаматтарды бейбіт шеруге шығуға шақырды.
Фото: Күлтегін Аспанұлының әлеуметтік желісінен
