Алматы қаласындағы халыққа қызмет көрсететін мемлекеттік мекеме 2025 жылдың басынан бері тіркелген некелерге қатысты статистикалық мәліметтерді жариялады, деп хабарлайды Alash.kz.
Мекеме дерегіне қарағанда, қалада күн сайын орта есеппен 90-ға жуық неке тіркеледі. Қалыңдықтардың орташа жасы — 28 жас, ал күйеу жігіттердің орташа жасы — 31 жас.
Тіркелген некелер арасында ерекше жағдайлар да кездескен. Атап айтқанда, 85 жастағы ер адам мен 80 жастағы әйел некесін заңды түрде тіркеген. Сонымен қатар, ата-аналары мен уәкілетті органдардың келісімімен 16 жастағы екі жасөспірімнің некесі де ресми түрде тіркелген.
