Қытай Халық Республикасында осыдан 20 жыл бұрын ұрланған ер азамат заманауи генетикалық сараптаманың көмегімен өз отбасымен қайта қауышты. Бұл туралы South China Morning Post басылымына сілтеме жасай отырып, Alash.KZ ұлттық порталы хабарлайды.
Пэн Цунцун есімді бала 2005 жылы Бейжіңде төрт жасында ұрланған. Қаскөйлер оны елдің шығысындағы Цзянсу провинциясында тұратын басқа отбасына сатып жіберген. Онда оған Чжан Кунь деген жаңа есім беріліп, ол ұзақ жылдар бойы өз тағдырынан бейхабар өскен. Ата-анасының екі онжылдыққа созылған нәтижесіз іздеу жұмыстары тек ДНҚ-тестінің қорытындысынан кейін ғана оң шешімін тапты.
Тәртіп сақшыларынан биологиялық жақындарының табылғаны туралы хабарды алған бойда, азамат Бейжіңге аттанып, онда әке-шешесі және екі қарындасымен кездесті.
Өз сезімімен бөліскен Пэн Цунцун былай деп мәлімдеді: «Соңғы 20 жыл бойы ата-анам қасірет ішінде өмір сүрді. Енді мен оларды саяхатқа шығарып, бар қызықты. Бізден ұрланған уақыттың орнын біртіндеп толтырғым келеді».
Айта кететін жайт, туған отбасымен табысқаннан кейін азамат өзін тәрбиелеп өсірген адамдармен барлық байланысын толықтай үзген. Қазіргі уақытта ол жақындарымен қарым-қатынасын қалпына келтіруге және жіберіп алған уақыттың орнын толтыруға күш салуда.
