Қазақстанның Болгариядағы Елшісі Теміртай Ізбастин президент Қасым-Жомарт Тоқаев бастаған түзетулер күшіне енгеннен кейін қызметінен босатылады.
Бұл туралы Орталық коммуникациялар қызметінде өткен брифингте Orda.kz тілшісінің сауалдарына жауап берген Әділет министрі Қанат Мусин айтты.
«Конституцияда президенттің жақын туыстарының саяси қызмет атқаруына тыйым салу көзделген. Саяси лауазымдардың тізімі айтарлықтай кең, оған белгілі дәрежедегі дипломатиялық қызметкерлер кіреді. Мұндай тыйым салынғаннан кейін, әрине, бәрі заңға сәйкес келеді. Ол бұл қызметті босатады, себебі ол заң бойынша бұл қызметті атқара алмайды» деді Әділет министрі.
Ізбастин Тоқаевтың қарындасы Қарлығамен шаңырақ көтерген.
Еске салсақ, Қасым-Жомарт Тоқаев Қазақстан халқына жолдауында президенттің жақын туыстары квазимемлекеттік органдарда саяси, мемлекеттік және басшылық қызметтерді атқармауы керектігін айтқан.
«Мысалы, президенттің әпкесі, ағасы немесе балалары «Самұрық-Қазына», «Бәйтерек» ұлттық компанияларында басшылық қызмет атқара алмайды» деді Мусин.
Жақын туыстар ата-аналар, балалар, асырап алушылар, асырап алынғандар, туған туыстары, атасы, әжесі, немерелері болып табылады. Сондай-ақ сыбайлас жемқорлыққа қарсы күрес туралы заңнамаға сәйкес олардың қатарында ерлі-зайыптылардың жақын туыстары да бар.
Дереккөз
