Қытай Сиань қаласынан Мангеймге дейін жаңа теміржол бағытын іске қосты, ол Каспий мен Қара теңіздерді кесіп өтеді.
Спорттық жабдықтар, киім-кешек және төсек-орын сияқты тауарлар тиелген осы бағыттағы алғашқы пойыз 19 сәуір, сәрсенбіде Сиань халықаралық портынан жолға шықты. Пойыз Қазақстан, Әзірбайжан, Румыния, Венгрия, Словакия және Чехия арқылы өтіп Мангеймге жетеді.
– Жаңа бағыт Қытай – Еуропа жүк пойыздарына сирек баратын елдер мен аймақтарды қамтиды, бұл отандық және халықаралық кәсіпорындар үшін жаңа нарықтар ашады, – деді Сиань еркін сауда портын салу және пайдалану компаниясының бас директоры Юань Сяоцзюнь.
Ол пойыздың жаңа бағыты отандық және халықаралық сауда және логистикалық кәсіпорындар үшін жаңа мүмкіндіктер беретінін атап өтті.
Қазіргі уақытта Сианьде Еуропаға жүк пойыздарының 16 негізгі бағыты бар, олар 45 ел арқылы жүреді.
Дереккөз
