Мемлекет басшысының Жарлығымен Жұлдыз Досбергенқызы Сүлейменова Қазақстан Республикасының Оқу-ағарту министрі лауазымына қайта тағайындалды, деп хабарлайды Alash.kz Ақорданың баспасөз қызметіне сілтеме жасап.
Қасым-Жомарт Тоқаевтың тиісті шешімімен ол отандық білім саласын басқару қызметін ары қарай жалғастыратын болады.
Айта кетейік, Жұлдыз Сүлейменова - белгілі мемлекеттік қайраткер және тарихшы. Ол 2021–2025 жылдары ҚР Парламенті Мәжілісінің VII және VIII сайланымдарының депутаты болып, әлеуметтік-мәдени даму комитетінің құрамында жемісті еңбек етті. Әр жылдары білім беру мен жастар саясаты саласында жауапты қызметтерді атқарып, 2025 жылғы 29 қыркүйекте Президенттің №1021 жарлығымен Оқу-ағарту министрі лауазымына тағайындалған болатын.
