"Жемқор" - Ұлытау облысының әкімі туралы шулы ақпарат тарады

Ұлытау облысының әкімі көпбалалы ананы сотқа беріп, 495 мың теңге айыппұл салдырған, деп жазады Alash.KZ Ulysmedia.kz сайтына сілтеп. 

Жергілікті тұрғын Әсем Айтмағамбетова өңірдегі проблемалар туралы видео түсіріп, TikTok-тағы парақшасына салып отырады. Мысалы, әлеуметтік желідегі видеоларының бірінде Әсем Жезқазғандағы облыстық көпсалалы аурухананың жағдайын көрсетеді. 

Әсем Айтмағамбетованың үстінен жергілікті билікті сынағаны үшін әкімшілік іс қозғалды. Ол TikTok-та Дастан Рысбектің атын атап, басшылықты жемқор деп сынағаны үшін «жала жабу» бабымен айыпталды.

Сот оны ірі көлемде айыппұл төлеуге міндеттеді. Яғни сот шешімімен Айтмағамбетоваға 495 000 теңге айыппұл салынған. 

Қазіргі уақытта Әсем оқырмандарынан көмек сұрап, айыппұл сомасын жинап беруді сұрап отыр.