Медицина психологы әрі PhD-кандидат Евгений Ян Қазақстандағы уақытты ауыстыру логикасын сынға алды, деп хабарлайды Alash.kz Ulysmedia.kz сайтына сілтеп.
Сарапшы осынау "инновациялардан" ешқандай логиканы көрмейді.
"Ғалымдардың бірі бұл мәселе бойынша 800-ден астам ғылыми еңбектері бар екенін айтты. Сіз мені кешіресіз, мен қазіргі сөзбен айтамын, бірақ бұл "кринж” (сандырақ), – деді ол мәселені талқылау кезінде.
1 наурыздан бастап Қазақстанның кейбір өңірлері жаңа уақытқа ауыстырылды. Қазір бүкіл ел бір уақыт белдеуінде.
Ресми мәлімдемелерден аударма бастамашылары – қазақстандықтардың өздері, ал мемлекеттік органдар "халық үніне құлақ асатын мемлекет” қағидаттарына сәйкес халықтың талабын орындағандай болады. Бірақ бұл өзгеріске қарсылар көп. Тіпті петиция жазғандар бар.
