Қостанай облысында үш апта ішінде балық аулауға шыққан үш ер адам суға кетіп, қаза тапты, деп хабарлайды Alash.kz.
Облыстық Төтенше жағдайлар департаментінің дерегінше, қайғылы оқиғалар 2026 жылдың 20 қазаны мен 14 қарашасы аралығында өңірдің үш түрлі ауданындағы көлдерде тіркелген. Марқұмдардың жасы 53 пен 61 аралығында болған.
Атап айтқанда, алғашқы жазатайым оқиға 20 қазан күні Әулиекөл ауданындағы Мырзакөлде орын алып, 60 жастағы ер адам суға батып кетті. Кейіннен 7 қарашада Ұзынкөл ауданындағы Бабье көлінен 61 жастағы балықшының денесі шығарылды. Ал 14 қарашада Бейімбет Майлин ауданындағы Матай көлінен 53 жастағы тұрғынның мәйіті табылған. Қайғылы жағдайлардың барлығы азаматтардың балық аулауы кезінде болған.