Атырау облысы Индер ауданында мектепішілік буллингтің кезекті дерегі тіркелді. Бұл туралы ALASH.KZ KopSoz.kz телеграм арнасына сілтеме жасап хабарлайды.
“Көктем” қазақ орта мектебінің 7 “А” сынып оқушысы - Жаңабай Нұртөре Сәндібайұлы - сынып ішінде соққыға жығылып, ми шайқалу диагнозымен ауруханаға жеткізілген.
Жәбірленушінің туыстарының айтуынша, бұл жағдайды жабулы күйінде қалдыруға тырысуда, себебі соққы жасаған оқушылардың жасы - небәрі 14-те.
Жақындары әділ тергеу жүргізіліп, кінәлілердің жауапқа тартылуын талап етуде.
Мектеп әкімшілігі немесе тиісті органдар тарапынан әзірге ресми пікір білдірілген жоқ.
