Мұхтар Мағауин АҚШ-тың Мэриленд штатындағы Парк Лаун мемориалдық зиратында жерленді, деп жазады Alash.kz ұлттық порталы.
Orda.kz хабарлауынша, 11 қаңтарда Мұхтар Мағауинның АҚШ-тағы түріктің Diyanet Center of America мешітінде жаназа намазы оқылып, артынан Парк Лаун мемориалдық зиратында жерлеу рәсімі өтті. Жаназаға жазушының ет жақын туыстарымен қатар Қазақстанның АҚШ-тағы елшісі Ержан Ашықбаев және дипломаттар қатысты. Елші Ашықбаев қонағасыда Қасым-Жомарт Тоқаевтың атынан көңіл айту хатын оқыды.
Айта кетейік, 2025 жылдың 9 қаңтарында бейсенбі күні қазақ руханиятының мәңгілік өлмес мұрасын жасап кеткен заңғар жазушы, тарихшы Мұхтар Мағауин көз жұмған болатын. Ол өмірінің соңғы 18 жылдан астам уақытында шетелде тұрды.
