Солтүстік Қазақстан облысы Аққайың ауданының тұрғыны өзін өртеп жібермек болды. Ауыр күйік шалған әйелдің өмірі үшін қазір дәрігерлер күресіп жатыр, деп жазады Alash.KZ
Оқиға 30 сәуір күні түнгі сағат 2:00 шамасында Астраханка ауылында болған. 1984 жылы туған әйел үстіне бензин құйып, өзін өртеп жібермек болған.
СҚО Денсаулық сақтау басқармасы баспасөз қызметінің мәліметінше, әйелдің денесінің 80-90% күйіп қалған. Жағдайы өте ауыр. Бірақ есін біледі.
– Аққайың аудандық ауруханасынан санавиациямен Петропавл қалалық көпбейінді ауруханаға жеткізілді. Әкелгеніне көп болған жоқ, қазір дәрігерлер тексеріп жатыр, - дейді баспасөз хатшысы Гүлнар Қалиева.
СҚО Полиция департаменті баспасөз қызметінің мәліметінше, осы факті бойынша полиция сотқа дейінгі тергеуді бастады. Оқиғаның мән-жайы анықталады, қажетті тергеу әрекеттері жүргізіліп жатыр.
