Талғарда уақытша ұстау изоляторынан қашып кеткен күдікті ұсталды, деп хабарлайды Alash.kz ұлттық порталы.
Полиция департаментінің хабарлауынша, жедел-іздестіру іс-шараларының нәтижесінде Тереңқара ауылының шетінде 21 қазанда уақытша ұстау изоляторынан қашқан ер адам ұсталды.
«Күдікті қайтадан уақытша ұстау изоляторына қамалды. Оған жасаған негізгі қылмысынан бөлек, қашып кеткені үшін де қосымша қылмыстық бап бойынша айып тағылуда», - деп хабарлады полиция өкілдері.
