Ресей президенті Владимир Путиннің Қазақстанға жасаған жұмыс сапары аяқталды, деп жазды Alash.kz.
Сапар қорытындысында Қазақстан Президенті Қасым-Жомарт Тоқаев ресейлік әріптесін әуежайға дейін шығарып салды.
Путин Астанаға Жоғары Еуразиялық экономикалық кеңестің отырысына қатысу және екіжақты келіссөздер өткізу үшін келген болатын. Сапар барысында мемлекет басшылары сауда-экономикалық ынтымақтастық, өңірлік қауіпсіздік және халықаралық күн тәртібіндегі өзекті мәселелерді талқылады.
Әуежайдағы шығарып салу рәсімінің видеосын Кремльдің баспасөз қызметі жариялады.
