Өскемен қаласында өткен аптада жоғалып кеткен 38 жастағы ер адамның мәйіті табылды. Қаралы хабарды Lider.kz еріктілері хабарлады, деп жазады Alash.kz ұлттық порталы.
1987 жылы туған Ринат Ахметов 17 желтоқсан күні жұмыс орнынан шығып, үйіне қайтып оралмаған.
Жоғалған күні ер адам қара шалбар, капюшоны бар қара күрте киген. Қасында қара сөмке болған. Ерекше белгісі: оң көзінде протез бар.
ШҚО полиция департаментінің хабарлауынша, ер адамның ағасы 21 желтоқсан күні құқық қорғау органдарына арыз берген. Арыздан кейін жедел іздестіру шаралары жүргізілген.
