Тірі болсам, қазаққа қызмет етпей қоймаймын!

Әлихан Бөкейхан

"Отын үдеткен емес": Қытай Зеленскийдің айыптауларына жауап берді

04 маусым 2024 502

Бейжің Украина президенті Владимир Зеленскийдің Ресей мен Қытай Швейцарияда өтетін Украина бойынша жаһандық бейбітшілік саммитінің өтуіне кедергі жасауға тырысады деген айыптауларына жауап берді, - деп хабарлайды Alash.kz сайты "Европейскую правда" мәліметіне сілтеме жасап.

Қытай Сыртқы істер министрлігінің баспасөз хатшысы Мао Ниннің айтуынша, Бейжің ешқашан Ресей-Украина соғысы "жалынын тұтандырған немесе отын үдеткен емес".
 
Мао Ниннің айтуынша, Қытай Ресей-Украина соғысындағы бейбіт шараларды қолдауға бағытталған барлық күш-жігерді мойындау керек деп санайды.

Қытай СІМ өкілі Бейжіңнің Киевпен қарым-қатынасқа үлкен мән беретінін атап өтіп, бұл ретте Қытайды Украинаның ең ірі сауда серіктесі деп атады. Мао Нин Қытайдың бейбіт конференцияға қатысты ұстанымы өте "ашық және мөлдір" екенін және Қытайдың "дағдарысты бейбіт жолмен шешуге бағытталған барлық әрекеттерді қолдайтынын" қосты.

Сыртқы істер министрлігі спикері оның елі саммитке қатыспайтынын, себебі онда Ресейдің болмайтынын түсіндірді. Венгрия сыртқы істер министрі Петер Сийярто да 3 маусымда осыған ұқсас мәлімдеме жасады. Ол Будапешттің Мәскеуді қамтымайтын саммитке қатыспайтынын айтты.

Бұл мақала туралы не ойлайсыз?