Непалда орын алған табиғи апаттан кейін екі Қазақстан азаматы із-зүссіз жоғалып кетті, деп хабарлайды Alash.kz.
Сыртқы істер министрлігінің мәліметінше, олар Непал мен Қытай шекарасындағы табиғи апат аймағында болған. Бұрын анықталғандай, олардың бірі шекарадан арнайы туристік топтың құрамында өткен.
Қазіргі уақытта отандық дипломаттар жергілікті мемлекеттік органдармен тығыз байланыс орнатып, жедел іздестіру жұмыстарын жүргізіп жатыр. Сондай-ақ елшілік өкілдері жоғалған азаматшалардың жақындарымен тұрақты хабарласып отыр.
