АҚШ президенті Дональд Трамп NBC News арнасына берген сұхбатында Украина мен Ресей арасындағы бейбіт келісім мүмкіндігі туралы ойымен бөлісті, деп хабарлайды ALASH.KZ.
Телерадиокомпания тілшісімен әңгіме барысында Ақ үй басшысы Украина мен Ресей арасындағы бейбітшілікке қол жеткізу мүмкін емес көрінгенімен, жеңіске жақын қалғанын баяндады.
Трамптың айтуынша, келіссөздердегі басты қиындық — “бұл екі адам арасындағы үлкен өшпенділік” (мұнда, шамасы, Украина президенті Владимир Зеленский мен Ресей президенті Владимир Путин туралы айтылып отыр).
Америка басшысы Вашингтон келіссөздерден бас тартуы мүмкін екенін тағы да жоққа шығармады, алайда келісімге қол қоюдың “өте жақсы мүмкіндігі” әлі де бар екенін атап өтті.
Бұған дейін Дональд Трамп телеарнаға берген сұхбатында 2028 жылы үшінші президенттік мерзімге өз кандидатурасын ұсынбайтынын мәлімдеген еді.
