Тірі болсам, қазаққа қызмет етпей қоймаймын!

Әлихан Бөкейхан

"Дәрігерлерді қорғауымыз қажет". Енді медицина қызметкерлеріне күш көрсеткендер қатаң жазаланып, сотталатын болады

"Дәрігерлерді қорғауымыз қажет". Енді медицина қызметкерлеріне күш көрсеткендер қатаң жазаланып, сотталатын болады

Мемлекет басшысы Қасым-Жомарт Тоқаев медицина қызметкерлеріне қатысты зорлық-зомбылық үшін жазаны қатаңдататын заңға қол қойды. Бұл туралы Денсаулық сақтау министрлігінің баспасөз қызметі хабарлады, деп жазды Alash.kz. 

Заң Қылмыстық және Қылмыстық-процестік кодекстерге түзетулер енгізуді көздейді. Оған сәйкес, медицина қызметкерлері мен жедел жәрдем жүргізушілеріне қатысты өміріне, денсаулығына және қауіпсіздігіне қол сұққандар қылмыстық жауапкершілікке тартылады.

  • Қауіп төндіретін күш қолдану: 200–500 АЕК айыппұл, 300 сағатқа дейін қоғамдық жұмыс немесе 2 жылға дейін бас бостандығын шектеу; ауырлататын жағдайларда – 2–3 жыл.

  • Өмір мен денсаулыққа қауіпті емес күш қолдану: 500–1000 АЕК, 600 сағатқа дейін қоғамдық жұмыс немесе 3 жылға дейін бас бостандығын шектеу.

  • Өмір мен денсаулыққа қауіпті зорлық-зомбылық: 5–10 жыл, ауырлататын жағдайда 7–12 жылға дейін бас бостандығын айыру.

Сонымен қатар, Қылмыстық-процестік кодекске енгізілген түзетулер бойынша, бұл қылмыстарды ішкі істер органдары тергейтіні заң жүзінде бекітілді.

Денсаулық сақтау министрлігінің мәліметінше, 2019 жылдан бері елде медицина қызметкерлеріне 280-нен астам шабуыл тіркелген, оның 58-і биылғы жылдың үлесіне тиесілі.

Сондай-ақ, мемлекет басшысы заңсыз иемденілген активтерді мемлекетке қайтару және Конституциялық Сот шешімдерін орындау мәселелері бойынша түзетулер енгізетін заңға да қол қойды.

Бұл мақала туралы не ойлайсыз?
  • 0
  • 0
  • 0
  • 0
  • 0
Жарнама
Соңғы жаңалықтар